បទវិភាគ

បណ្ឌិត សេង សារី សាកល្បងវិភាគសេណារីយោ​ ដំណើរជីវិតនយោបាយលោក កឹម សុខា ក្រោយសវនាការ ថ្ងៃទី ១៩ ខែមករា ឆ្នាំ ២០២២

១៦ ធ្នូ ២០២១

សាកល្បងវិភាគសេណារីយោ​ ដំណើរជីវិតនយោបាយលោក កឹម សុខា ក្រោយសវនាការ ថ្ងៃទី ១៩ ខែមករា ឆ្នាំ ២០២២

  • សេណារីយោទី​ ១៖ តុលាការកាត់ទោសឲ្យ​លោក​ កឹម សុខា គ្មានទោស ហើយសង្គ្រោះជាតិរស់ឡើងវិញ ព្រោះការរំលាយសង្គ្រោះជាតិគឺដោយសារតែតុលាការបានចោទលោក កឹម សុខា ដែលជាប្រធានបក្សថា​ មានសន្ទិដ្ឋិភាពជាមួយបរទេស ដូច្នេះបើលោក កឹម សុខាគ្មានទោស សង្គ្រោះជាតិក៏គ្មានកំហុស​ដែរ។
  • សេណារីយោទី ២៖​ តុលាការកាត់ឲ្យលោក កឹម សុខា មានទោសហើយបញ្ចូនលោក កឹម សុខា ចូលពន្ធនាគារវិញមួយរយ: បន្ទាប់មកមានសំណើរសុំឲ្យព្រះមហាក្សត្រលើកលែងទោសពីសំណាក់សម្តេចនាយករដ្ឋមន្រ្តី​​។
  • សេណារីយោទី ៣​៖ តុលាការនឹងកាត់ទោសផ្តល់សេរីភាព​ និងនីតិសម្បទានយោបាយពេញលេញជូនលោក កឹម សុខា ឡើងវិញ​ តែរក្សាបទចោទឲ្យនៅដដែល​។

ក្នុងចំណោមសេណារីយោទាំង ៣ខាងលើ​នេះ ទោះចេញច្រកណាក៏ដោយ​​ ក៏សង្គ្រោះជាតិមានលទ្ធភាពរស់ឡើងវិញតិចតួចបំផុត​ ក៏ប៉ុន្តែលោក កឹម សុខា នឹងមានសេរីភាព​ និងនីតិសម្បទានយោបាយឡើងវិញ ហើយលោក កឹម សុខា ក៏នឹងអាចត្រូវបានអញ្ជើញឲ្យទៅដឹកនាំសម្ព័ន្ធនៃគណបក្សតូចៗ​ ដើម្បីចូលរួមការបោះឆ្នោតឆ្នាំ ២០២២-២០២៣ ចំណែកលោក សម រង្សី នឹងក្លាយជាអ្នកចាំបក្សបន្តរតស៊ូរកយុត្តិធម៍ជូនសង្រ្គោះជាតិតែម្នាក់ឯង។

ដូច្នេះផែនការទាត់លោក សម រង្សី ចេញពីសង្គ្រោះជាតិ​ដោយអ្នកនយោបាយត្រីក្រឹម​ និងផែនការចង់ក្លាយជាអ្នកនយោបាយមេម៉ាយស្តុកនឹងក្លាយជារឿងអត់អំពើ។ ក៏ប៉ុន្តែសម្ព័ន្ធនៃគណបក្សតូចៗដែលដឹកនាំដោយលោក កឹម សុខា ក្រោយពីចូលរួមការបោះឆ្នោតនឹងទទួលបានសំលេងគាំទ្រខ្លះ ហើយនឹងអាចក្លាយជាដៃគូរបង្កើតរដ្ឋាភិបាលទេ្វរភាគីជាមួយគណបក្សប្រជាជនផងដែរ។

ពេលនោះគណបក្ស ភ្លើងទៀន នឹងក្លាយជាគណបក្សប្រឆាំងធំជាងនៅកម្ពុជាក្រោយឆ្នាំ ២០២៣។​

ខ្ញុំសង្ឃឹមថា​ការវិភាគនេះខុសទៅចុះ!

បណ្ឌិត សេង សារី ថ្ងៃទី ១៦ ខែធ្នូ ឆ្នាំ២០២១

Show More

Related Articles

Leave a Reply

Your email address will not be published. Required fields are marked *

Close